Гадаад худалдаа

Гаалийн ерөнхий газрын статистикт үндэслэн гадаад худалдааны салбарын үндсэн үзүүлэлтийг тооцож Гадаад худалдааны үнийн болон биет хэмжээний индексийг гадаад худалдааны үйл ажиллагаа, үр ашиг, нөхцлийг бодитой үнэлж дүгнэх, үндэсний тооцооны системийн зарим үзүүлэлтийг тооцоход ашиглана. Гадаад худалдааны үнийн болон тоо хэмжээний индекс тооцох аргачлалын дагуу гадаад худалдааны үнийн индексийг томьёо 1-ээр, биет хэмжээний индексийг томьёо 2-оор, гадаад худалдааны нөхцлийн индексийг томьёо 3-аар, 2005 оныг суурь болгон авч, тооцоог хийдэг. Түүнчлэн дэлхийн худалдааны байгууллагаас боловсруулсан “Барааг тодорхойлох, кодлох, уялдуулсан систем”-ийн ангиллын дагуу барааны бүлэг, нэр төрлийг тогтоодог. Гадаад худалдааны гаалийн статистик нь улс орны материаллаг нөөцийг нэмэгдүүлэн эдийн засгийн нутаг дэвсгэрт орж байгаа /импорт/, мөн тус нөөцөөс хасагдан эдийн засгийн нутаг дэвсгэрээс гарч байгаа /экспорт/ бүх төрлийн барааг бүртгэн мэдээлж байна. Харин Монгол Улсын нутаг дэвсгэрээр дамжуулан өнгөрүүлж байгаа /транзит/ болон түр хугацаагаар оруулж, буцаан гаргаж байгаа /дотоодод болон хилийн чанадад боловсруулалт хийх бараанаас бусад/ бараа улс орны материаллаг нөөцийн хэмжээнд нөлөөлдөггүй тул эдгээрийг гадаад худалдааны эргэлтэд оруулж бүртгэдэггүй. Гадаад худалдааны гаалийн статистикийн мэдээллийн үндсэн эх үүсвэр нь гаалийн мэдүүлэг бөгөөд гаалийн бүрдүүлэлт хийсэн эцсийн өдрөөр экспорт, импортыг бүртгэж, статистикийн албан ёсны мэдээлэлд тусгана. Экспорт, импортын барааны үнийн дүнг америк долларт шилжүүлэхэд гаалийн бүрдүүлэлт хийсэн өдрийн Монголбанкны валютын ханшийг мөрдөнө.

БүлэгХүснэгтийн нэр
Гадаад худалдаа ГАДААД ХУДАЛДААНЫ НИЙТ ЭРГЭЛТ, ЭКСПОРТ, ИМПОРТ, ТЭНЦЭЛ, сараар, өссөн дүнгээр
Гадаад худалдаа ИМПОРТЫН ЗАРИМ ГОЛ НЭР ТӨРЛИЙН БҮТЭЭГДЭХҮҮН, сараар, өссөн дүнгээр
Гадаад худалдаа ЭКСПОРТЫН ЗАРИМ ГОЛ НЭР ТӨРЛИЙН БҮТЭЭГДЭХҮҮН, сараар, өссөн дүнгээр
Гадаад худалдаа ЭКСПОРТ, барааны бүлгээр
Гадаад худалдаа ЭКСПОРТЫН ЗАРИМ ГОЛ НЭР ТӨРЛИЙН БҮТЭЭГДЭХҮҮНИЙ ТОО ХЭМЖЭЭ, сараар, өссөн дүнгээр
Гадаад худалдаа ГАДААД ХУДАЛДААНЫ ЖИЛИЙН НИЙТ ЭРГЭЛТ, ЭКСПОРТ, ИМПОРТ, жилээр
Гадаад худалдаа ГАДААД ХУДАЛДААНЫ САРЫН НИЙТ ЭРГЭЛТ, ЭКСПОРТ, ИМПОРТ, сараар
Гадаад худалдаа ИМПОРТЫН ЗАРИМ ГОЛ НЭР ТӨРЛИЙН БҮТЭЭГДЭХҮҮНИЙ ТОО ХЭМЖЭЭ, сараар, өссөн дүнгээр
Гадаад худалдаа ИМПОРТ, барааны бүлгээр
Гадаад худалдаа ИМПОРТЫН ГОЛ НЭРИЙН БАРАА, жилээр
Гадаад худалдаа ЭКСПОРТЫН ГОЛ НЭРИЙН БАРАА, жилээр
Гадаад худалдаа ЭКСПОРТ, орноор, жил бүрийн эцсийн байдлаар
Гадаад худалдаа ИМПОРТ, орноор, жил бүрийн эцсийн байдлаар